Namaskar mitro, kya aapko pata ki Responsive web design kya hota hai? Aaiye samajhte hai wahi apni simple bhasha mein.
Responsive web design kehte hai website design ke aise approach ko jisme website apne page ke content ko device ke screen size ke anusaar adjust karke use sahi tarike se dikhata hai. Dusre shabdon mein kahun to chahe aapka website desktop par dikhe, tablet par ya mobile par, wo sahi tarah se display hoga aur aapke website ke pages ka content sabhi screens par proper dikhega.
Aaj kal to bahut se website responsive hi banaye jaate hai kyunki kaafi log to mobile hi surf karte hai web content.
Example ke taur par jaise ek website desktop par text content ko 3 columns mein dikha rahi hai lekin ab tablet aur mobile par to space kam hota hai na to usme 3 columns kaafi small dikhega to iska solution hai responsive web design. To mobile par hum use 2 columns mein dikhayenge taaki wo thik se readable rahe user ke liye
CSS media queries ka use kiya jaata hai normally website ko responsive banaane ke liye.
Responsive web design se ek website user ke device ko pehchaan kar apne site ka content aur images ko screen par perfectly fit karti hai.
To yaad kya rakhoge
Responsive web design ek approach hai jisme website apne page ke content ko device ke screen size ke anusaar adjust karke use sahi tarike se dikhata hai.
CSS media queries normally use hota hai iske liye.
Aise hi useful videos ke liye subscribe zarur kijiye Career Code Hindi channel ko nahi kiya hai to. Dhanyawaad.
