Web development mein job types kaunse hai?

Doston Web development mein alag-alag type ke job profiles hote hain, unme se kuch types ke popular job profiles mai aapko bata deta hun-

Front-end developers woh log hote hain jo websites ya web apps ke user interface ko design aur develop karte hain. Unka kaam hota hai web pages ko visually appealing banana, user-friendly buttons, menus aur interactive elements add karna. Front mein logical functionalities ko implement karna. Wo languages jaise HTML, CSS, aur JavaScript ka istemal karte hain. Aur Javascript ke kisi ek framework mein bhi specialize kar sakte hai jaise ki Angular, React, Vue.js etc.

Back-end developers un logon ko kehte hain jo websites ya web apps ke peeche ka kaam karte hain. Unka focus hota hai data storage, server-side logic, aur databases ki management. Wo languages jaise PHP, Python, Ruby, Java, ya Node.js ka istemal karte hain.

Full-stack developers woh log hote hain jo dono taraf ka kaam kar sakte hain, front-end aur back-end dono. Matlab, wo websites ya web apps ko shuru se lekar ant tak develop kar sakte hain. Unhe multiple languages aur technologies ka gyaan hota hai. Lekin doston kaafi saare web developers jo apne aapko fullstack developers kehte hai wo actually mein kisi ek mein kaafi acche hote hai aur dusre mein thode average ho sakte hai. Kyunki kaafi fullstack developers ko dono mein bahut accha hona thoda mushkil ho jaata hai.

Mobile app developers woh log hote hain jo mobile applications banate hain. Ye apps Android, iOS, ya Windows jaise platforms ke liye ho sakte hain. Unka kaam hota hai mobile devices ke liye applications develop karna.

DevOps engineers woh log hote hain jo development aur operations ko combine karte hain. Unka focus hota hai development process ko automate karna aur applications ko smooth tarike se deploy karna. Wo servers aur infrastructure manage karne mein bhi mahir hote hain.

UI/UX designers un logon ko kehte hain jo websites aur apps ke design aur user experience se juda hua kaam karte hain. Unka focus hota hai visually appealing aur user-friendly designs create karna, jisse users ko accha experience mile.

In sab types ke job profile wale apne-apne areas mein expert hote hain aur alag-alag skills aur languages ka istemal karte hain, lekin sahi tarike se teamwork karke ek accha website ya application develop karte hain.

To thik se samajh mein aya to ek like to banta hai aur comments mein likhiye ki aur kis topics par videos chahiye. Milenge next blog mein jald hi dhanyawaad.