Web developers karte kya hai?

Namaste mitro, aaj hum jaanenge Web Developement ke baare me. Yeh web development series ki pehli video hai. aaj ham jaanenge ki Web developers karte kya hai aur web developer banne ke liye kya kya skills chahiye.

Pehle jaan lete hai Web developer karte kya hai?

Web developer ek programmer hai jo World Wide Web applications ko develop karte hai jaise Websites ya wo applications jo web browsers par chalte hai. Web browser matlab ki jaise chrome, internet explorer, firefox, ye web browsers hai. Jaise for example mujhe ek website banwaani hai meri company ki to iske liye mujhe ek ya ek se zyaada web developers ki zarurat padegi jo mere liye meri company ki website banayenge.

Ab aapke manme ye sawaal hoga ki Web developer banne ke liye kon kon se skills chahiye?

Skills kon kon se chahiye ye jaanne se pehle hame ye jaanna hoga ki web developers kitne types ke hote hai. Mainly ye 2 tarah ke hote hai. Ek hota hai front-end web developer aur dusra hota hai back-end web developer.Toh Front-end developer aur Back-end developer

Pehle jaan lete hai Front-end developer ke baare me

Front-end developer website ya web application ke wo parts banaate hai jo users ko dikhte hai aur jinke saath users interact kar sakte hai. Jaise for example Google.com. Google.com par jo page dikhti hai, uski ye input box, buttons aur us buttons par click karne ki interaction. Ye sab front-end developer karenge.

Front-end developer banne ke liye aapko jo skills chahiye wo hai HTML, CSS, JavaScript ya jQuery jo JavaScript ki hi ek library hai. Ye basic skills hai par iske alawa advanced front-end developers ko jo aaj kal bahut demand me hai wo skills hai Angular, React, Backbone, Nodejs, Gulp, Karmajs. Aur bhi bahut hai par ye aaj kal bahut demand mein hai Front-end developers ke liye.

Ab jaante hai ki Back-end web developer ke baare mein

Back-end web developer wo hai jo website ya web application ki un cheezo par kaam karte hai jo hame dikhti nahi hai par important hoti hai jaise user ki database management, server se information ko bhejna, information ko database me filter karna etc. Jaise Google.com par jab aap kuch type karte hai aur results aate hai to un results ko backend me backend developers ne database me save karwaya hota hai aur aapke type karne par hi information aap tak pahuchate hai. Woh server aur application ko communicate yaani baat cheet karwaate hai.

Back-end developer banne ke liye jo skills chahiye wo hai inme se koi bhi ek ya ek se zyaada:
PHP, Ruby, Python, Java, .Net jaise languages aur MySQL iske saath mein.
Iske alaawa bhi aur baaki skills hai backend developers ke liye par ye kuch main skills maine bataye hai

Kaafi logo ko font-end aur back-end dono ke kuch skills aate hai to unko full stack developer bhi kaha jaata hai.

Toh mitron umeed hai ki aapko web development ke baare me basic idea aaj mil gaya hoga. Dhanyawaad.