Database Transaction Kya Hai? | Easy Explanation in Hindi

Dosto, aaj hum baat karenge ‘transaction’ ke baare mein jo database mein ek important concept hai.

Transaction ek sequence ya group of operations hota hai jo database mein ek hi unit ke roop mein complete hona chahiye. Iska matlab yeh hai ki ya to saare operations complete honge ya koi bhi nahi — yeh ek ‘all-or-nothing’ process hota hai.

Example lete hain — aap apne bank account se kisi ko paisa transfer karte hain. Yeh transfer 2 steps mein hota hai:

• 1. Aapke account se paisa deduct hota hai.
• 2. Doosre vyakti ke account mein paisa add hota hai.

Ye dono steps ek transaction ka part hain. Agar dono steps successful hote hain, tabhi transaction complete hoti hai. Agar koi error hoti hai, toh dono steps roll back hote hain aur koi bhi change nahi hota.

Database transactions ACID properties ko follow karti hain, jo data integrity ko ensure karti hain:

• 1. Atomicity: Saare operations ya to complete honge ya rollback ho jayenge.
• 2. Consistency: Transaction ke baad database ka state valid aur consistent rahega.
• 3. Isolation: Har transaction apne aap mein isolated hota hai aur doosri transactions par asar nahi daalta.
• 4. Durability: Transaction ke complete hone ke baad data permanent ho jata hai, chahe system failure kyun na ho.

• - Transaction mein multiple steps ek unit ke roop mein execute hote hain.
• - Agar transaction fail hota hai, toh sab kuch rollback ho jata hai.
• - ACID properties data integrity aur reliability ko ensure karti hain.

Yeh concept especially banking, e-commerce aur financial applications mein bahut zaroori hai.

Agar yeh blog aur video aapke liye helpful tha, toh please like karein aur subscribe karein aur naye tech videos ke liye bell icon bhi dabayein. Dhanyawad!