Time waste nahi karunga aapka. Seedhe example ki oor chalte hai turant-
Ravi ko apne wada pav home delivery business ke liye ek website banwani thi. To usne ek web developer se apni website banwaane ka socha. Usne web developer ko kaha bhai website bahut sundar aur manmohak honi chahiye. Customer ko website itni akharshak lage ki wo jhat se order place karde.
To usne laptop par kuch badhiyea websites dekhe aur web developer ko unke links diye aur kaha ki kuch aisa banao badhiya sa. Web developer ne usne jaisa kaha waisa badhiya sa website banaya. Ravi bahut khush hua jab usne laptop par apni website ko dekha. Phir usne web developer se poocha ki kya meri website mobile par bhi acchi dikhegi. Web developer ne kaha ghabrao mat abhi isko mai mobile friendly bana deta hu. To usne coding ki aur website ko aisa banaya ki wo mobile par bhi thik se apni design ko adjust kar sake. Taaki customer ko mobile par use karne mein dikkat na ho. Matlab ki same website mobile par aur desktop par alag design mein dikhegi. Code same hoga, domain name bhi same hoga lekin alag dikhegi dono devices par. Lekin mobile ke liye jab usne code mein changes kiye to usse mobile ke alag ke issues mein, problems mile jo ki wo solve nahi kar saka kyunki use thik karne mein desktop ka design bigad jaata. To mobile par kam features rakhe gaye.
To Ravi ki website desktop/ laptop par to itni zabardast thi ki kya kahe, lekin mobile par jo ki baadme mein use adjust karwaya gaya tha to thik thak hi thi. Customers ke liye jitne features ya options desktop par available the web app ke liye utne features mobile par nahi de sake kyunki mobile ke baare mein baadme socha na.
Business launch ho gaya. Par Ravi ko bhai wada pav ke orders itne kam aa rahe the thi ki usne kaha isse accha to gaadi par hi bech deta.
Aapne shayad guess kar liya hoga kyu aisa hua?
Bhai customers uske saare mobile par lage hue hai aur ye bhai lage hai laptop par website ko sundar banwaane mein. Laptop par kitne log order karenge? Mobile design uska hua average aur desktop design hua dhaasu
Use uske business ke liye mobile first design approach apnana chahiye tha. Matlab ki pehle wo website banwaata mobile ko dhyan mein rakhkar kyunki 90% uske customers mobile se order karte hai, to mobile par pehle dhyan dekar desktop par baadme dhyaan deta to behtar hota hota.
Har business ke liye website ya web app to zaruri hai. Mobile First Design/ Development ye term hai waise web development ka hai. Bhale hi aap Web development nahi karte hai lekin ye concept aapko pata hona chahiye kyunki kaafi businesses ke websites ya web app customers mobile par zyaada use karte hai aaj ke yug mein.
Mobile first approach mein website ya web app ko pehle mobile ke liye design aur develop kiya jaata hai. Phir baadme use desktop/laptop ke screen ke liye resposive banaya jaata hai. Ye us approach se alag hai jo normally pehle zyaadatar use hota tha, matlab ki desktop ke liye pehle design karna aur phir use mobile ke liye responsive banaana ya mobile friendly banaana.
Baat sirf website ke look ki nahi, baat functionality aur features ki bhi hai. Jab aap desktop ke liye pehle design aur develop karte hai to aap ek aise jaal mein phas jaate hai ki aapko baadme mobile par wahi functionalities daalne mein dikkat aaye kyunki mobile par space kam hai, usme touch ke functionalities hai to uska poora use karna baadme mushkil ho sakta hai. Possible ho sakta hai lekin time aur effort bahut lagega.
Mobile first approach mein aapko mobile se related issues pehle milte hai to aap use pehle fix kar sakte hai.
Isliye agar aapke customers mobile par chipke hue hai to aap bhi mobile first approach apnakar mobile ke anusaar apni website ya web app ko develop kijiye. Desktop ke liye thoda average hoga to bhi chalega. Mobile par customer ko pakadna zaruri hai aise case mein. Haina.
To doston video mein kuch zaruri concept sikha to like kijiye please aur subscribe kar hi liya hoga mere anusaar.
