Namaskar mitro, kya aapko pata ki DevOps kya hota hai? Aaiye samajhte hai wahi apni simple bhasha mein
DevOps kuch aise set of practices hote hai jo Software development aur IT Operations ko combine karte hai unko jodte hai. Ab aap is word ko dekhenge DevOps to ye to words ka mishran hai "development" and "operations".
Kaafi IT companies mein DevOps ki ek alag se team hoti hai jo mainly continous integration and continuous deployment ka dhyan rakhti hai. Matalb ki ek software ki nayi functionality automatically roll out hoti rahegi.
Doston aapko yaad hai maine aapko agile software development samjhaya tha jo ek kaam karne ka tarika. Ji haan to DevOps jo hai wo agile software development ko support karta hai. DevOps ke kaafi saare aspects agile concept se aaye hai
DevOps maksad hota hai systems development life cycle ko chota karna aur continuous delivery pradaan karna high quality software ke saath. Matlab ki software banta bhi rahe developers ke dwaara aur deploy bhi hota rahe automatically DevOps ke practices ke zariye.
To DevOps ka core principle hai Automation aur isme CI/CD matlab continous integration and continuous deployment ek important part hai.
To short mein kya yaad rakhoge?
DevOps is a set of practices that combines software development (Dev) and IT operations (Ops)
