code hindi Career blogs Courses info Digital Marketing Information technology About

Content Marketing kya hai

Doston maine faisla kar liya hai. Is blog mai poori koshish karunga ki aap har din ek naya concept seekhein jo aapko aapke career aur business dono mein kaam aye. To aaj mai aapko Online Marketing se related ek topic ke baare mein bataane wala hun jo ki hai Content marketing. Aapko kaafi short mein bataunga taaki aapko yaad rahe. Aapne Content marketing yah word shayad pehle suna bhi hoga kisi se. Poori koshish karunga ki aapko bahut simple tarike se bata saku.

Content Marketing wo marketing hai jo aapke target online audience ke liye content create, publish aur distribute karne par focus karti hai. Isme free content create kiya jaata hai logo ke liye taaki unhe customers mein badala jaa sake. Ab content kaafi tarah ke ho sakte hai jo aap logo ko ya apne customers ko de sakte hai. Kuch content aapko bata detu hu taaki aapko ek idea aa jaye-
news, video, white papers, e-books, infographics, email newsletters, case studies, podcasts, how-to guides, question and answer articles, photos, blogs, etc.

Content Marketing companies ko brand loyalty create karne mein help karta hai. Customers ko mahatvapoorna jankari deta hai, customers mein ek iqcha jagaata hai ki wo companies ke products ya services future mein kharide. Ye audience ke saath ek trust aur rapport build karta hai. Isme customers ke liye demand nahi create kia jaata. Balki unki zaruraton ko poora kia jaata hai unko zaruri information dekar content ke zariye.

Businesses content marketing ka istamaal kyu karti hai? Kaafi purposes hai jiske liye companies content marketing ka istamaal karti hai. Jaise-
Customers ka attention attract karne ke liye
Leads generate karne ke liye
Apne customer base ko expand karne ke liye, customer base ko aur badhane ke liye
Online sales generate karne ke liye ya increase karne ke liye
Users ki jo online commnunity hai unke saath engage karne ke liye, yaani sanlagn karne ke liye

Content Marketing ka instamaal late 19th century se kiya jaa raha hai customers ke saath connections build karne ke liye. Aaj content marketing ek bahut hi powerful model ban chuka hai marketers ke liye. Isme Storytelling ka bhi istamaal hota hai. Jaise kahaniyon ke zariye companies ke messages ya goal ko audience tak pahuchana. Naaki unko product ya service kharidne ke liye push karna.

Aaiye aapko kuch examples bata deta hu content marketing ke taaki aap ise aur acchi tarah se samaj paye- 1. Red Bull
Red Bull jo high-energy beverage bechti hai usne kaafi YouTube videos publish kiye hai jisme usne apne jo events sponsored kiye hai sports ke liye, mountain biking ke experiences jaise videos daale hai. Red Bull ki ek unit hai Red Bull Media House jo kaafi feature films create karti hai. Unki ek international monthly magazine bhi hai The Red Bulletin naam se jo men's sports, culture, aur lifestyle par focus karti hai.

2. Personal finance site Mint.com jisne content marketing ka istamaal kuch is tarah se kia. Unhone ek personal finance blog MintLife ke naam se banai jisse unhone apne ek product ke liye audience build ki jise wo aage bechna chahte the.

Content marketing ke zariye kaafi online platforms ki growth bhi hui hai jaise YouTube, Yelp, LinkedIn, Tumblr, Pinterest ityadi

To doston aapko maine kaafi short aur simple tarike se Content Marketing explain ki. Umeed hai aapko yah samaj aaya hoga. Career se judi saari jankari ke liye subscribe nahi kia hai to kar lijiye hamare youtube channel Career code ko. Dhanyawaad.

Server kya hota hai

Integrated Development Environment (IDE) kya hai