BBA ke baad kya kare
Mitron maine jab BBA ke course details ke baare me video banaya tha to kaafi request aayi thi ki BBA ke career scope ke baare me bhi bataiye. To aaj aapko bataane jaa raha hu BBA karne ke baad aap kya kya kar sakte ho.
Jaise hi students apna BBA complete kar lete hai unke paas ye saare options available hai
-
1. College placement pa sakte hai ya directly interviews de sakte ho
Jo students college placements me apna man chaha job agar paa le to aap use join kar sakte ho. Ye aapko accha practical knowledge dega professional duniya ka. Aur agar aapko plaements ki job ya company pasand nahi aayi to aap ek kaam kijiye aap offer letter le lijiye aur dusre jagah bhi directly interviews dijiye jo jobs ya companies aapko pasand ho wahan par. Waise kaafi colleges placements provide nahi karti to aise case me to aap directly companies me apply karke interviews dijiye. Aap Naukri.com website ke zariye apply kar sakte ho.
- 2. Koi dusra sector choose kare sakte ho
Agar aap business aur management ke sector me career nahi banana chahte ho aur BBA ke baad ya dauraan apne ye mehsoos kia ki is sector me aapko career nahi banaana hai to aap apna BBA complete hone ke baad dusre fields me jaa sakte ho jahan aapko aapki BBA ki knowledge bhi kaam ayegi. Jaise Mass Communication and Journalism, Travel and Tourism. Aap in fields me job ke liye try kar sakte ho ya phir in fields me masters degree kar sakte ho. Jaise for example Business journalism ek aisa field hai jisme aapke dono courses BBA aur Masters in Mass Communication ki knowledge kaam ayegi. To is tarah aap baaki fields bhi choose kar sakte ho jaise digital marketing, Content writing, creative writing etc. agar aapko wo pasand ho karna to. Isme aapki BBA ki knowledge bhi useful rahegi.
- 3. Government job ke liye tayaari kar sakte ho
Kaafi students ko government sector me jaane me interest hota hai. Wo MNCs ya corporates me naukri nahi karna chahte hai. To students ko jo bhi government job pasand ho wo un government jobs ke exams de sakte hai jahan par eligibility criteria graduation hai.
- 4. Entrepreneur ban sakte ho
Students apne parents ke business ko aage badhaana chahte hai to wo join kar sakte hai unka business ya phir khud ki nai company start karna chahte hai to wo bhi kar sakte hai. Par dhyaan rahe khud ki company start karne se pehle aap ye acche se sochlo ki kya aapko industry ka acche se gyaan hai jaise abhi latest trend kya hai industry me aur aap apne parents se bhi baat karlo. Kabhi kabhi startups jab fail ho jaate hai to paisa ka bahut nuksaan hota hai jisse hamaare saath hamaare parents ko bhi problems hoti hai. Agar aap financial sound nahi hai filhal yaani aapke paas zyaada back up paisa nahi hai to aap kuch saal job karke jab paise jama ho jaye tab business start karne ka soch sakte hai. Kuch government schemes aur funding companies bhi hoti hai jo aapka business plan dekhkar aapko funding de sakti hai. Company start karne ke liye Business plan bahut important step hota hai. Business plan kaise banaana hai uska link maine neeche video description me de diya hai. - 5. MBA kar sakte ho
Agar aap afford kar sakte ho MBA karna to aap BBA complete hone ke baad MBA ke entrance exams dekar acche colleges me MBA me admission ke liye try kar sakte hai. Jaise ki mai har baar kehta hu MBA acche reputed college se hi kijiye please.
to doston yeh the kuch options B.Com ke baad. Subscribe kar lijiye career codehindi ko youtube par career advice ke liye aur bell icon press kar lijiye aage aane waale videos ki notifications ke liye. Dhanyawaad.
